АКШнын Каржы министри Скотт Бессент 12ден ашуун соода өнөктөштөрү менен тарифтик сүйлөшүүлөр 1-сентябрга, АКШнын Эмгек күнү белгиленген күнгө чейин улантылышы мүмкүн экенин айтты. Бул сүйлөшүүлөр мурда белгиленген 9-июлдагы мөөнөттөн жылдырылган.
Fox News каналына маек берген Бессент АКШнын “18 маанилүү соода өнөктөшү” менен келишимдерди камсыз кылуу зарылдыгын баса белгиледи.
Бессент: “Эгерде биз 18 негизги өнөктөштүн 10 же 12си менен кол коюшсак, калган 20 негизги өнөктөш менен келишимди Эмгек күнүнө карата жаба алабыз",- деди.
АКШнын президенти Дональд Трамп дагы жума күнү бул тууралуу өз оюн билдирип, баштапкы мөөнөттүн ийкемдүүлүгүн белгиледи. “Биз каалаган нерсени жасай алабыз. Мөөнөттү узарта алабыз же кыскарта алабыз. Мен аны кыскартууну каалайм. Мен жөн гана баарына кат жөнөтүп, ‘Куттуктайм, сиздер эми 25 пайыз төлөйсүздөр’ деп айтканды каалайм,” – деди ал.
Азыркы учурга чейин Трамптын администрациясы Улуу Британия менен бир гана соода келишимин камсыз кылып, Кытай менен убактылуу тынчтык келишимине жетишкен.
Бессент Кытай жана Улуу Британия менен болгон сүйлөшүүлөр “азырынча артта калганын” айтты. Ал ошондой эле Кытайдан сейрек кездешүүчү минералдардын АКШга жакын арада кайра агып киришин күтүп жатканын кошумчалады. Бул Кытайдын жума күнү эртең менен бул материалдардын экспортун жактырган жарыясынан кийин болду.
Бессент: “Президент Трамп айткандай, ал элчи (Жеймисон) Грир, соода министри Лутник жана мен үчүн максималдуу сүйлөшүү мүмкүнчүлүгүн түзүп берди. Эгерде келишимге жетише албасак, ал апрелдин 2индеги деңгээлдерге кайтууга даяр экенин айтты. Ошондуктан өлкөлөр бизге абдан жакшы сунуштар менен кайрылып жатышат,” – деди . Ал эгерде өлкөлөр келишимге жетише албаса, Трамп дүйнөлүк базарларды титиреткен чоң тарифтерди кайра киргизүүгө даяр экенин баса белгиледи.
