Түркия Израилдин Айт майрамында Аль-Акса мечитиндеги намаз окугандарга жасаган чабуулдарын айыптады
Түркия Президенттигинин коммуникация башкармалыгы Израилдин бул «варвардык аракети» тарыхтагы уяттуу барактарга дагы бир барак кошконун билдирди.
Президенттиктин коммуникация башкармалыгынын башчысы Бурханеттин Дуран Орозо айт күнү оккупацияланган Чыгыш Кудстагы Аль-Акса мечитинде намаз окуган мусулмандарга каршы Израиль күчтөрүнүн кийлигишүүсүн "катуу" айыптады.
Дуран жума күнү NSosyal платформасындагы билдирүүсүндө : "Израилдин баскынчы күчтөрүнүн Аль-Акса мечитинде айт намазын окуу үчүн келген мусулмандарга кол салуусун катуу айыптайм. Орозо айт сыяктуу биримдик, тынчтык жана бир туугандык эң күчтүү болгон күнү ибадат үчүн чогулган жарандарга жасалган бул кол салуу ишеним эркиндигин жана адамдык кадыр-баркты ачыктан-ачык бузуу болуп саналат", - деп кошумчалады.
"Мыйзамды, принциптерди жана баалуулуктарды этибарга албаган Израилдин бул варвардыгы анын уяттуу тарыхына дагы бир барак кошту. Түркия президентибиз Режеп Таййип Эрдогандын жетекчилиги астында, Аль-Акса мечитинин статусуна жана ыйыктыгына каршы бардык эреже бузууларга жана мыйзамсыздыктарга каршы чечкиндүү позициясын улантат", - деди Дуран.
Израиль бийлиги Иранга каршы согуштун бир бөлүгү катары киргизилген коопсуздук чектөөлөрүн шылтоолоп оккупацияланган Чыгыш Кудстагы Аль-Акса мечитинде Орозо айт намазын окууга тыюу салды.
Бирок палестиналыктар Эски шаардын айланасында чогулуп, Рамазан айынын аякташын символдоштурган айт намазын Аль-Акса мечитине мүмкүн болушунча жакын жерлерде окууга чакырышты.