Президент Режеп Таййип Эрдоган Шанхай Кызматташтык Уюмунун мамлекет башчыларынын саммитине катышуу үчүн барган Кыргызстандын борбору Бишкектеги Ала Арча мамлекеттик резиденциясында орусиялык кесиптеши Владимир Путин менен жолугушту.

Жолугушууда Владимир Путин Түркиянын тышкы саясат жана экономикалык тармактардагы артыкчылыктуу өнөктөштөрдүн бири экенин белгилеп, "Биргелешкен долбоорлор ишке ашырылууда. Алардын бири - Аккую атомдук электр станциясы. Сиз быйыл станциянын биринчи блогун ишке киргизүүнү максат кылдыңыз. Бул ишке ашат", - деди.

Путин ошондой эле Түркия менен маданий жана гуманитардык тармактарда кызматташуунун жогорку потенциалы бар экенин билдирип, "Түркияга орусиялык туристтердин агымы көбөйүүдө. Өткөн жылы Түркияга дээрлик 7 миллион орусиялык турист барды", - деп кошумчалады.

Президент Эрдоган да «Түркия-Орусия мамилелери бүгүнкү күндө мурунку мезгилдерге караганда алда канча өнүккөн деңгээлде. Түркиядагы орусиялык туристтердин мааниси абдан айырмаланат. Бүгүнкү күндө биздин Анталья облусубуздагы эң маанилүү туристтик тармак Орусиядан келген достордон турат. Мындан тышкары, президент жаңы эле айткандай Аккую атомдук электр станциясы түрк-орус мамилелеринде чоң мааниге ээ. Ошондой эле айыл чарба жана энергетика жаатында да күчтүү өнөктөштүгүбүз бар », - деп билдирди.