Израиль медиасынын кабарына караганда, Израилдин президенти Исхак Герцогду ташыган учак Казакстанга эки күндүк сапарында Түркиянын аба мейкиндигин колдонбой Казакстанга жетүү үчүн сегиз сааттык жол жүрдү. 

Израилдин 12-каналы учак Түркиянын аба мейкиндигине кирбөө үчүн Европа жана Орусиянын үстүнөн альтернативдүү жолду тандап, учуу убактысы сегиз саатка чейин узагандыгын билдирди. 

Герцог өзүнүн X аккаунтундагы билдирүүсүндө Астанага конгонун ырастады. 

Түркия мурда 2024-жылдын ноябрында Бакудагы COP29га учуусу үчүн Герцогго өз аба мейкиндигин колдонууга уруксат берген эмес жана Герцог да "коопсуздук маселелери" деген жүйө менен сапарын жокко чыгарган. 

Түркия менен Израилдин ортосундагы мамилелер Израилдин Газага карата катаал согушунан улам начарлап; бул согуш кийинчерээк Ливан менен Иранды да камтыгандай түрдө кеңейди.