Түркиянын тышкы иштер министри Хакан Фидан 6-7-декабрда Катардын Тышкы иштер министрлиги тарабынан өткөрүлүүчү 23-Доха форумуна катышуу үчүн Катарга барат.

Түрк дипломатиялык булактардын маалыматына караганда, Фидан жогорку деңгээлдеги жолугушууга катышат жана 6-декабрда "Чачыранды доордо ортомчулук" деп аталган форумдун ачылыш сессиясында сөз сүйлөйт.

Ал ошондой эле "Күн тартибин түзгөн маек" сессиясында сөз сүйлөйт. Бул сессияда "Жакынкы Чыгыштагы коопсуздук архитектурасын калыптандыруу жана Түркиянын аймактык туруктуулукту өнүктүрүү боюнча аракеттери" темасы каралат.

Фидандын иш-чаранын алкагында бир катар эки тараптуу жолугушууларды да өткөрүшү күтүлүүдө.

Аймактык жана эл аралык маселелерди талкуулаган Доха форуму быйыл "Иш-аракетте адилеттүүлүк: сөздөрдөн жана прогресстен тышкары" деген теманын астында өтөт.

Мамлекет жана өкмөт башчылары, министрлер, эл аралык уюмдардын жогорку кызмат адамдары, аналитикалык борборлордун өкүлдөрү, окумуштуулар жана адистердин катышары күтүлүүдө.

Иш-чаранын мазмундук өнөктөштөрүнүн катарында Анталья дипломатия форуму да бар.