Оскар сыйлыгын алган "Башка жер жок" аттуу даректүү тасмасынын режиссеру Хамдан Баллал бошотулгандан кийин израилдик мыйзамсыз отурукташкан тургундар тарабынан кармалып, кыйноого жана зомбулукка кабылгандыгын айтты.
Шейшемби күнү Рейтер маалымат агенттигине маек берген Баллал түнү коңшусунун үйүнө кол салган отурукташуучуларды тартып алгандан кийин өзү үйүнүн бутага алынбашы үчүн тышта күтүп тургандыгын айтты.
"Мен жөн гана тышта күтүп тургам, эгерде кандайдыр бир отурукташуучу же аскерлер үйүмө кол сала турган болсо токтотоюн деп жаткам" - деди.
Баллал жерге түртүлгөндүгүн, аскерлердин ага карап кыйкырып, туруусун айтып, курал кезегендигин айтты жана :“Бул акылга сыйбаган нерсе, үй - бүлөңүз, балдарыңыз үйдүн ичинде жана аларды коргошуңуз керек”,- деди.
Бир отурукташуучунун кол салууда “футбол тобу” сыяктуу башына тепкендигин айтты.
Бул окуядан мурда дүйшөмбү күнү Ал Халилге жакын жердеги Сусия айылына бир топ отурукташуучу ооз ачуу программасында жолугушкан кишилерге кол салган.
Бул окуя Батыш Шериадагы палестиналык же Бедеви айылдарына карата израилдик отурукташуучулар тарабынан жүргүзүлгөн рейддердин акыркы мисалы болду. Активисттер жана палестиналыктар полиция жана армиянын жалпысынан бул кол салууларга кийлигишпегендигин белгилешти.
“Бутага алынды”
"Башка Жер Жок" тасмасы палестин коомчулугунун Израиль тарабынан көчүрүлүшү тууралуу тасма болуп, палестиналык жана израилдик режиссерлор тарабынан биргелешип тартылган. Бул тасма быйылкы Оскар сыйлыктарында "Эң мыкты даректүү тасма" наамын жеңип алган.
Баллал кол салууга катышкан отурукташуучулардын бирин жакшы тааный тургандыгын айтты.
"Бул биринчи жолу болгон жок" - деди ал. "Ал менин үйүмө көп жолу кол салды жана короомо малын жайды".
Баллал еврей тилин билбегендигин бирок кол салуу учурунда отурукташуучулардын атын жана “Оскар” деген сөздөрдү айткандарын билдирди.
“Бутага алынганымды түшүндүм. Оскар дегенде эле түшүнсөңүз болот. Атыңызды айтканда билсеңиз болот”,- деди ал.
Израиль армиясы Баллалдын аскерлер тарабынан ур-токмокко алынганы тууралуу билдирүүлөргө дароо жооп кайтарган жок. Баллал кол салуучу деген жана буга чейин да коркуткан Шем Тов Луски болсо өзүнүн жана аскерлердин Баллалды сабагандыгын четке какты.
Тасманын башка режиссерлорунун бири Басел Адра отурукташуучулардын армияны Баллалдын үйүнө алып барылышын тасмадагы Масафер Ятта аймагынын чагылдырылышына жооп катары карагандыгын белгиледи.
"Анткени жанында камерасын алып жүрөт жана болуп жаткан окуяларды тартып жатканда бутага алынды. Түнү менен ушундайча өч алуу болду”,- деди.
