АКШнын президенти Дональд Трамп Мамлекеттик жана Казына департаменттерине "Мусулман бир туугандардын" айрым кеңселерин "Чет элдик террористтик уюм" жана "Атайын аныкталган глобалдык террорист" деп белгилөөнү карап чыгууну тапшырган буйрукка кол койду.
Дүйшөмбү күнкү буйрукта эки департаментке башкы прокурор жана улуттук чалгындоо директору менен кеңешип Ливан, Египет жана Иордания сыяктуу бир катар өлкөлөрдөгү кеңселерди баалоо милдети коюлду. Бул мекемелер отчет тапшырып, топторду расмий түрдө аныктоо үчүн 45 күндүн ичинде чара көрүшү керек.
Ак үй бул кадамдын кеңселердин иштөө мүмкүнчүлүгүн азайтууга, алардын каржылоосун кыскартууга, ошондой эле АКШ жарандарына жана улуттук коопсуздукка келтирген коркунучтарын жоюуга багытталганын билдирди.
АКШ "Мусулман бир туугандарды" "террористтик" уюм катары классификациялаган эмес. Уюм Мамлекеттик департаменттин чет элдик террористтик уюмдарынын тизмесинде жок.
Бул кадам АКШ Конгресси тарабынан каралып жатат.
