Ирандын президенти Масуд Пезешкиан өз өлкөсү АКШ менен согушууну көздөбөгөнүн жана сүйлөшүү жолу менен келишимге жетүүгө даяр экенин билдирди.
Пезешкиан БУУнун Башкы Ассамблеясынын ачылыш жумалык жыйындарына катышуу үчүн барган Нью-Йоркто Fox News телеканалынын суроолоруна жооп берди.
Иран согуштубу же келишимди тандайбы деген суроого Пезешкиан: "Биз согушту тандабайбыз, бизге согуш таңууланган, биз согушту көздөбөйбүз", - деп жооп берди.
Ормуз кысыгындагы талаш-тартыштардан улам токтоп калган, бирок 60 күндүн ичинде акыркы тынчтык келишимин түзүү каралган июнь айындагы келишимге көңүл бурган Пезешкиан Тегеран Вашингтон менен келишим түзүүгө даяр экенин баса белгиледи.
Эки өлкөнүн ортосундагы чыңалуу уланып жатканда Ирандын президенти жылуу билдирүүлөрүн жасап: "Биз президентиңиз (Дональд Трамп) менен макулдашууга жетишкенбиз. Ошого таянып, алдыга жылууга даярбыз жана дагы деле каалайбыз", - деп кошумчалады.
Масуд Пезешкиан 28-февралдан бери уланып келе жаткан согушту токтотуп токтотпоо темасында тандоо кылышы керек болгон тарап АКШ экенин айтты.
Ирандын эл аралык укук жана Ядролук куралды жайылтпоо келишими (ЯКК) боюнча милдеттенмелерин аткараарын билдирген Пезешкиан, Йемендеги хуситтер жөнүндө: "Хуситтеер өз аракеттери үчүн жооптуу. Алар бизден буйрук алышпайт", - деди.
Пезешкиан Ирандын лидери Можтаба Хаменеи менен бир ай мурун "жеке" жолугушканын, аны менен жети сааттай убакыт өткөргөнүн жана ден соолугу "абдан жакшы" экенин белгиледи.
