Пакистан менен Мальдивдер соода, коргонуу, деңиз коопсуздугу жана жасалма интеллект жаатындагы кызматташтыкты бекемдөөгө макулдашышты.

Мальдивдин президенти Мохамед Муиззу Исламабадга болгон сапары учурунда Пакистандын премьер-министри Шахбаз Шариф менен жолугушту.

Жолугушууда эки лидер соода, коргонуу, деңиз коопсуздугу жана жасалма интеллект жаатындагы кызматташтыкты күчтөндүрүүүгө макулдашышты.

Лидерлер ар кандай тармактарда өз ара түшүнүшүү жөнүндө 20 меморандумга кол коюшту.

Жолугушуудан кийинки биргелешкен маалымат жыйынында Шариф Пакистандын Мальдивдер менен болгон мамилелери "келечекте да ар дайым бекемделерине" убада берди.

5 миллион дарак отургузуу демилгеси

Шариф: "Биз кийинки эки жылдын ичинде эки тараптуу соода көлөмүн 13 миллион доллардан 200 миллион долларга көбөйтүү үчүн биргеликте колубуздан келгендин баарын жасайбыз" деп билдирди.

Исламабад өкмөтү Мальдив аралдарында 5 миллион дарак отургузуу демилгесин колдой турганын баса белгилеген Шариф макулдашылган мөөнөттө 100 000 зайтун көчөтү берилерин жарыялады.

Муиззу да Мальдив аралдары Пакистан менен тыгыз мамилелерди чыңдоону жана өз ара пайдалуу кызматташтыктын жаңы багыттарын издөөнү көздөгөнүн айтты.