Президент Эрдогандын кызматтык унаасы Түркия жана Казакстандын желектери менен кооздолгон жол аркылуу өтүп, Көз карандысыздык сарайына барды. Эрдоганды унаадан түшүп жаткан учурда Казакстандын Президенти Токаев тосуп алды.

Эки президент салтанат өтө турган залга өткөндөн кийин, аскердик оркестр эки өлкөнүн мамлекеттик гимндерин аткарды. Президент Эрдоган ардактуу кароол менен саламдашты.

Делегациялар тааныштырылгандан кийин эки лидер кол алышып, басма сөз үчүн сүрөткө түшүштү. Андан кийин Эрдоган менен Токаев жекеме-жеке жолугушууга өтүштү.

Жекеме-жеке жолугушуудан кийин Эрдоган Түркия-Казакстан Жогорку Деңгээлдеги Стратегиялык Кызматташтык Кеңешинин алтынчы жыйынына төрагалык кылат.

Эрдоган менен Токаев ошондой эле эки тараптуу келишимдерге кол коюу аземине жана биргелешкен басма сөз жыйынына катышат.

Салтанатка Тышкы иштер министри Хакан Фидан, Улуттук билим берүү министри Юсуф Текин, Улуттук коргоо министри Яшар Гүлер, Өнөр жай жана технология министри Мехмет Фатих Кажыр, Соода министри Өмер Болат, Түрк мамлекеттери уюмунун (ТМУ) Аксакалдар кеңешинин төрагасы Бинали Йылдырым, Президенттик аппараттын коммуникация башкармалыгынын башчысы Бурханеттин Дуран, Президенттик аппараттын Коргоо өнөр жайы башкармалыгынын төрагасы Халук Гөргүн, Президенттин тышкы саясат жана коопсуздук боюнча башкы кеңешчиси Акиф Чагатай Кылыч жана АК партиянын төрагасынын орун басарлары да катышат.