Түркиянын коргоо өнөр жайынын продукцияларын интеграциялоо аракеттеринин алкагында жүргүзүлгөн сыноолордо чабуулчу учкучсуз учуучу аппарат Байрактар АКЫНЖЫ LGK-82 жана ГӨЗДЕ багыттоочу комплекттерди колдонуп, белгиленген буталарды жок кылды.
Baykar, ASELSAN жана TÜBİTAK SAGE менен биргеликте жүргүзүлгөн сыноолордо улуттук багыттоочу чечимдер ийгиликтүү сыналды.
Ок-дарыларды атуу сыноолорунда Байрактар АКЫНЖЫ платформасынан ташталган LGK-82 лазердик багыттоочу комплект менен интеграцияланган ок-дарылар белгиленген брондолгон аскердик унааны ийгиликтүү атып, жок кылды.
Сыноолордун дагы бир этабында болсо ГӨЗДЕ багыттоочу комплект колдонулду. Байрактар АКЫНЖЫдан ташталган ГӨЗДЕ багыттоочу комплект менен интеграцияланган ок-дарылар кыймыл абалындагы бутага жогорку тактыкта жана таамай сокку урду.
ASELSAN компаниясынын башкы директору Ахмет Акйол социалдык медиадагы сыноолор тууралуу бөлүшүүсүндө: "Кыймылдуу бута, так сокку. Дүйнөдө аз сандагы гана өлкөлөр өнүктүрө алган так багыттоочу жөндөмдөрү менен биздин улуттук платформаларыбыз азыр алда канча күчтүү жана натыйжалуу", - деп билдирди.
