Түркиянын айыл чарба жана токой чарба министри Ибрахим Юмаклы, командалардын өрттөлгөн аймактарда муздатуу иштерин улантып жатканын жана акыркы 24 саатта чыккан 55 токой өртүнүн көзөмөлгө алынганын билдирди.
Шейшемби күнү журналисттерге маалымат берген Юмаклы акыркы уланып жаткан өрттүн түндүк-батыштагы Бурса провинциясына караштуу Харманжыкта экенин айтты.
«Жалпысынан беш учак, 30 тик учак жана 855 кургактык техника менен өрттү толук көзөмөлгө алуу аракетибизди улантып жатабыз», - деди ал.
Юмаклы эртең мененки коюу туман жана түтүндүн, түштөн кийин катуу шамалдын учактардын кийлигишүүсүн кечеңдеткенин билдирип : "Бул жагдай өрттү көзөмөлгө алуу үчүн дагы убакытты узартты. Бирок, аба ырайы жакшыра башташы менен абадан кийлигишүүнү күчөттүк. Кургактыктан күнү-түнү дебестен тынымсыз иштеп жатабыз",- деди.
Министр Юмаклы : «Мурунку күндөрдө эртең мененки коюу туман жана түтүн, андан кийин түштөн кийин болгон катуу шамал учактарыбыздын кийлигишүүсүн кыйындатып, өрттү көзөмөлгө алуу убактысын узартты. Бүгүн эртең менен дагы коюу туман жана түтүн болду»,-деп сөзүн улантты.
Юмаклы Бурсадагы операциялардын жакшы жүрүп жатканын белгилеп, күндүн кечинде аймакка байланыштуу жакшы кабарларды бөлүшүүнү үмүт кылгандарын айтты.
Министр ошондой эле токойлордо өрт чыгуу коркунучунын азыр да бар экендигин белгилеп, коомчулукту этият болууга жана өрттүн кичине белгиси болсо да жетекчилерге билдирүүгө чакырды.
Токой өртү коркунучунун уланып жатканын белгилеген Юмаклы: «2025-жылдын октябрына чейин сак болушубуз»,-деди.
