Түркия Республикасынын Президенти Режеп Таййип Эрдоган 9-Май — Европа күнүнө карата куттуктоо билдирүүсүн жарыялады. Мамлекет башчы билдирүүсүндө Европа интеграциясына негиз салган Шуман декларациясынын маанисине токтолуп, Түркиянын Европа Биримдигине (ЕБ) мүчөлүк процесси стратегиялык зарылчылык экенин баса белгиледи.
Европа Биримдиги негизделген эрежелер бүгүнкү күндө көп өлчөмдүү кризистер менен бир убакта сыналып жатканына көңүлдөрдү бурган Эрдоган төмөнкүлөрдү белгиледи: Европа интеграциясынын пайдубалын түптөгөн Шуман декларациясынын жарыяланганына 76 жыл толду. 9-май — Европа күнү континентте тынчтыкка, кызматташтыкка жана өз ара урматтоого негизделген орток келечекти куруу максатынын айкын көрсөткүчү катары белгиленүүдө.
Шуман декларациясы жарыяланган жана Европа Биримдигинин негизи түптөлгөн 9-май — Европа күнү. Бул күн Европа Биримдигинин символдорунун бири гана болбостон, континентте тынчтыкка, кызматташтыкка жана өз ара сыйлоого негизделген жалпы келечекти куруу максатын чагылдырат. Мындан 76 жыл мурун негизделген Европа Биримдиги учурда көп кырдуу кризистер менен бетме-бет келүүдө. Дүйнөдө сезилип жаткан согуштар, саясий кризистер жана экономикалык кыйынчылыктар Европа Биримдигинен дагы инклюзивдүү жана бириктирүүчү саясаттарды жүргүзүүнү талап кылууда.
Европа Биримдигине мүчөлүккө талапкер өлкө катары Түркия бул интеграциялык процесстин негизги жана ажырагыс элементи. Бүгүнкү күндө Түркия өзүнүн татыктуу ордун албаган Европа архитектурасы кемтик бойдон калаары жана аймактык кризистерди башкарууда алсыздыкка учурай турганы ачык байкалууда.
"Өз ара пайдалуу" жана "убадага берилгендикке" басым жасоо
Түркия катары биз убадага туруу принцибине таянып жана Европа Биримдиги менен болгон карым - катнашыбызды "утуш-утуш" принцибинин негизинде алдыга жылдырууда чечкиндүүбүз. Бул чын ыкластуу чечкиндүүлүктү Европа Биримдиги тарабынан да көрсөтүлүшүн күтөбүз. Бул ойлор менен 9-май Европа күнү биздин жалпы географиябызда тынчтыкка, бейпилдикке жана тилектештикке өбөлгө болсун деп тилейм жана биринчи кезекте жарандарыбызды, ошондой эле Европа элдерин Европа күнү менен куттуктайм.
