Түштүк Кореянын президенти Ли Чжэ-мён бир нече күндүк катуу жааган жамгырдан кийин өлкөнүн айрым аймактарында кыйроолор болуп, алты районду “өзгөчө кырсык аймагы” деп жарыялады.

Азыркы учурда жаан - чачын басаңдаса да шейшемби күнү маалымат каражаттары Түндүк Кореянын айрым аймактарында азыр да жаан - чачындын уланып жатканын билдиришти.

Түштүк Кореянын Ички иштер жана коопсуздук министрлигинин маалыматы боюнча, шейшемби күнү эртең менен өлкөдө 19 адам каза болуп, тогузу дайынсыз жоголгон, 2549 адам үй-жайын таштап кетүүгө аргасыз болгон.

Министрлик ошондой эле үйлөр, дүкөндөр жана завод - фабрика сыяктуу 3776га жакын объектидеги сууну, таштандыларды жана топуракты тазалоо керектигин билдирди.

Президент Линин Сеулдун чет жакасындагы Гапеёнг да аталган аймактарды өзгөчө кырдаал аймагы деп жарыялоосу жетекчилерге жабыркагандарга жардам берүү үчүн тез административдик жана каржылык колдоо көрсөтүүгө мүмкүндүк берди.

Ли буга чейин мамлекеттик кызматкерлерге дайынсыз жоголгондорду издөө иштеринде “бардык күч-аракетти жумшоо” керектигин айткан.

Өткөн аптада Realmeter өткөргөн сурамжылоого ылайык, президент Линин рейтинги жамгыр учурунда 64,6 пайыздан 62,2 пайызга төмөндөгөн.