Песков Москвада журналисттерге учурдагы маселелер боюнча маалымат берди.

Украина кризисин тынчтык жолу менен чечүүнү жактагандарын билдирген Песков: "Россия тынчтык сүйлөшүүлөрү аркылуу өз максаттарына жетүү тууралуу ачык. Россиянын президенти Владимир Путин да буга ачык", - деди.

Украина тынчтык жолу менен чечүү процессин улантуу ниетинде эмес экенин белгилеген Песков: "Киев тынчтык жолу менен чечүүнү каалабаса да, биз (Украинада) атайын аскердик операцияны улантып жатабыз. Украина тарап чыңалууну күчөтүүгө аракет кылып жаткан учурда, биз Украинада коопсуздук аймагын кеңейтүүнү улантуудабыз", — деди.

Украина армиясынын Россиянын көзөмөлүндөгү Запорожье атомдук электр станциясына (АЭС) чабуулдарынын күчөшүнө токтолгон Песков мунун өтө кооптуу экенин баса белгиледи.

Дмитрий Песков бул маселе боюнча Эл аралык атомдук энергия агенттиги (МАГАТЭ) менен байланышта экенин билдирди.

Песков Россиянын президенти Путин менен АКШнын президенти Дональд Трамптын ортосунда телефон аркылуу сүйлөшүүнүн али боло электигин айтып, АКШ тарап менен байланышты улантып жаткандарын кошумчалады.

Басма сөз катчы Песков: "Түрк басма сөзү Түркия Американын санкцияларынан кутулуу үчүн С-400 системаларын башка өлкөгө сатканын жазып чыкты. Түркия бул маселе боюнча Россиядан уруксат сурадыбы? Россия буга кандай реакция кылды?" — деген суроого болсо: "Бул абдан назик маселе. Түркия менен бул темада байланыштарыбыз болду. Түрк тарап менен бул маселе боюнча байланыштарды улантабыз", — деди.