Орусиянын тышкы иштер министри Сергей Лавров шаршемби күнү эгер Батыш Гренландиядагы аскердик катышуусун күчөтсө, Орусия "аскердик чараларды" көрөрүн билдирди.

Президент Дональд Трамп Арктика аралын аннексиялоону бир нече жолу каалаганын билдиргенден кийин акыркы жумаларда көптөгөн Европа өлкөлөрү Гренландияга чакан аскердик бөлүктөрүн жөнөтүштү.

Орус депутаттарына кайрылуусунда Лавров: "Албетте, эгер Гренландия милитаризацияланса жана Орусияны бутага алган аскердик мүмкүнчүлүктөр түзүлсө, биз аскердик-техникалык чаралар менен бирге тиешелүү каршы чараларды көрөбүз",- деди.

Болжол менен 57 000 адам жашаган Гренландия ондогон жылдар бою Даниянын башкаруусундагы автономиялуу аймак болуп келген.

Трамп өткөн айда АКШ таасирин камсыздоо үчүн НАТОнун башчысы Марк Рютте менен "алкактык" келишим түзгөнүн айткандан кийин Гренландияны басып алуу коркутууларынан баш тарткан.

Мурда АКШнын лидери эгерде АКШ Гренландияны басып албаса, Орусия же Кытай басып алышы мүмкүн деп эскерткен.

Лавров: "АКШ, Дания жана Гренландия бул маселени өздөрү чечиши керектигин", - айтып, Данияны гренландиялыктарды "экинчи сорттогу жарандар" катары мамиле кылат деп айыптады.

Гренландия Вашингтон менен ар кандай сүйлөшүүлөрдө эгемендик жана аймактык бүтүндүк "кызыл сызыктар" экенин билдирди.