Австралиянын премьер-министри Энтони Албаниз Канберранын талапкерлигин алып салганын жарыялагандан кийин келерки жылы COP31 климаттык саммити Түркиянын Жер Ортолук деңизинин жээгиндеги курорттук Анталья шаарында өтөт.
Албаниз Австралиянын ABC Radio Perth коомдук телерадиокомпаниясына: "Биз (Климаттын өзгөрүшү боюнча министр) Крис Боуэн Австралиянын атынан сүйлөшүүлөр үчүн COP башчысы болот деп макулдаштык", - деди.
Албаниз ошондой эле: "Түркияга конференция жана COP төрагалыгы берилет. Өзгөчө Тынч океандагы климаттык каржылоо жана Тынч океандын туруктуулук фондуна басым жасала турган алдын ала COP жыйыны өткөрүлөт. Бул жыйын келерки жылы өтө турган Тынч океан COP саммитине даярдык мүнөзүндө болот", - деди.
Австралиянын премьер-министри келишимди "Австралия жана Түркия үчүн чоң жеңиш" деп сыпаттады.
Албаниз: "Климаттык конференциялардын эрежеси - алар консенсус менен өткөрүлөт. Эгерде макулдашуу болбосо, анда бул конференция Германиянын Бонн шаарында өтмөк", - деди.
