АКШнын президенти Трамп Висконсин штатындагы айыл чарба аймактарына болгон сапарында учурдагы маселелерге токтолду.

Трамп өлкөнүн экономикалык абалын жакшыртуу үчүн ушул жолго түшкөнүн, бирок Ирандын өзөктүк куралга ээ болушуна жол бербөө үчүн ага каршы аскердик аракеттерди баштаганын, бул кырдаал жакында аяктай турганын билдирген.

АКШнын президенти: "Жакында Ирандан чыгабыз, келишим аркылуубу же абдан катаал ыкма мененби, кандай болгон күндө да бул ишке ашат. Балким, эң катаал ыкмалар эң оңой жолдур, бирок биз ал жерден чыгып кетебиз", - деди.

Ирандын өзөктүк куралга жетүүсүнө бөгөт коюуга мажбур болушканын жана ушул максатта аракетке өтүшкөнүн айткан Трамп буларды белгиледи : "(Иран) Атомду коркунучту жок кылышыбыз керек болчу. Мунун болушуна жол бере алмак эмеспиз. Эч ким муну каалабайт. Көрөсүздөр, кандай болгон күндө да бул иш чечилет".

Трамп өзгөчө Иранга байланыштуу процесс аяктагандан көп өтпөй АКШда энергия баалары төмөндөй турганын айтып, америкалыктарды чыдамдуу болууга чакырды.