Орусия Япониядан АКШнын "Тайфон" ракеталык системаларын өз аймагынан чыгарууну талап кылганын жарыялады.
Тышкы иштер министрлигинин басма сөз катчысы Мария Захарова жазуу жүзүндөгү билдирүүсүндө, АКШнын "Тайфон" ракеталык системалары Япониянын Кюсю аралына жайгаштырылганын айтты.
Захарова 3-сентябрда Япониянын Москвадагы элчилигине нааразычылык нотасын жөнөтүшкөнүн, мунун Орусиянын улуттук коопсуздугу жана аймактык коопсуздук үчүн коркунуч жаратканын белгиледи.
Захарова төмөнкүлөрдү айтты:
"Японияга бул системаларды өз аймагында кандай гана шылтоо менен жана кандай гана мөөнөткө болбосун жайгаштыруу кабыл алынгыс экени маалымдалды. Япон тарапка мындай аракеттерди токтотууга жана системаларды өз аймагынан алып салууга чакырык жасалды. Андан тышкары, Япон өкмөтү Экинчи Дүйнөлүк согуштун кесепеттерин, анын ичинде Түштүк Курил аралдарына байланыштуу аймактык маселени кабыл алып, кайрадан куралдануу саясатынан баш тартышы керектиги баса белгиленди".
Басма сөз катчы Захарова Кытайдын да Японияга ушундай эле нота жөнөткөнүн билдирди.
