Францияда кан мекемесинин сактоочу жайларында колдонулган муздатуу системасына киберчабуул жасалганы белгилүү болду.

1-ноябрдан 2-ноябрга караган түнү Бургундия-Франш-Конт аймагында хакерлер Франциянын кан мекемесинин (EFS) сактоочу жайларында колдонулган муздатуу системасына киберчабуул жасап, кан үлгүлөрү сакталган ар кандай жайлардагы температураны -30 градустан 110 градуска чейин көтөрүшкөн.

Бир техник температуранын аномалдуу көтөрүлүшүн тез эле байкаган.

Франциянын саламаттыкты сактоо министрлиги кырдаал өз убагында аныкталгандыктан, окуя эч кандай операциялык таасир этпегенин билдирди.

Франциянын кан мекемесинин жетекчиси Фредерик Паку: "Өнүмдөрдүн коопсуздугуна коркунуч келтирилген жок. Биз бейтаптарды дарылоодо колдонула турган үлгүлөрдү же плазма баштыктарын жоготуп алышыбыз мүмкүн эле", - деди.

Киберчабуулду ким жасагандыгы азырынча белгисиз.