Россиянын президенти Владимир Путин куралдуу кагылышууну козуткан элементтерди жок кылуу үчүн колдон келгендин баарын жасоо керектигин айтып: "Биздин ишибиз ушул багытта,- деп кошумчалады.

Кремлдин билдирүүсүнө ылайык, Владимир Путин Бишкекте өткөн Шанхай Кызматташтык Уюмунун (ШКУ) саммитинде сөз сүйлөдү.

Путин ШКУнун күчтөнүп жана кеңейип жатканын билдирип: "ШКУ Евразия континентинде гана эмес, дүйнө жүзү боюнча эң ири аймактык уюм болуп саналат. Дүйнө калкынын дээрлик жарымы мүчө өлкөлөрдө жашайт жана дүйнөлүк ИДПнын үчтөн бири ушул өлкөлөргө таандык", - деди.

ШКУнун чоң потенциалга ээ экендигин айткан Владимир Путин мүчө өлкөлөрдүн ар кандай тармактарда кызматташууну өнүктүрүп жатканын, мунун Евразия аймагында тынчтыкка жана туруктуулукка салым кошуп жатканын айтты.

Путин, Россиянын ШКУ өлкөлөрү менен соода жүгүртүүсү өткөн жылы 400 миллиард доллардан ашканын белгилеп:"Өз ара төлөмдөрдө улуттук валюталар колдонулат. Россиянын уюмга мүчө өлкөлөр менен болгон операцияларында улуттук валюталардын үлүшү 98%дан жогору",- деди.

Орус лидери Экинчи дүйнөлүк согуш 1939-жылдын 1-сентябрында башталганын эске салып: "Куралдуу кагылышууну козуткан элементтерди жок кылуу үчүн колубуздан келгендин баарын жасашыбыз керек. Аракеттерибиз ушуга багытталган", - деди.