Орусиянын курамындагы Татарстан Республикасында учкучсуз учуучу аппараттар (УУА) тарабынан жасалган чабуул жарандык жана өнөр жай объектилерине зыян келтирип, эки адамдын өмүрүнөн ажырашына жана дагы он эки адамдын жаракат алышына алып келди.
Татарстан Республикасынын Президенттик администрациясынын билдирүүсүндө Украина армиясы Нижнекамск (Түбенкама) шаарына учкучсуз учуучу аппараттар менен чабуул баштаганы айтылган.
Билдирүүдө: «Чабуулдун натыйжасында жарандык жана өнөр жай объектилери зыян тартты. Заводдордун биринде өрт чыкты. Өндүрүш токтотулган жок. Кол салууда эки адам каза болуп, он эки адам жаракат алды», - деп айтылат.
Ошол эле учурда Орусиянын Коргоо министрлиги түн ичинде ар кайсы аймактарда 389 украиналык учкучсуз учуучу аппарат жок кылынганын билдирди.
