Абашев социалдык медиа аккаунтунда украин армиясы Татарстанга дрон чабуулун жасаганын кабарлады.
Дрондордун бири Нижнекамсктеги бир үйгө тийгенин айткан Абашев: "Чабуулдан төрт адам жаракат алып, ооруканага жеткирилди. Жаракат алгандарга медициналык жардам көрсөтүлүүдө", - деди.
Татарстан Республикасынын башчысы Рустем Минниханов да социалдык медиа аккаунтунда Закамье аймагындагы ишканалардын дрон чабуулунан зыян тартканын маалымдады.
Минниханов окуя болгон жерде иш-аракеттердин жүрүп жатканын билдирип, "Ишканаларда өндүрүш токтотулган жок" деп кошумчалады.
200дөн ашык украиналык дрон атып түшүрүлдү
Орусиянын Коргоо министрлиги Москва жана Азов деңизи сыяктуу ар кайсы аймактардын үстүндө түн ичинде 231 украиналык дрон жок кылынганын жарыялады.
Москванын мэри Сергей Собянин да социалдык медиа баракчасында кечээ кечтен бери Москвага карай учкан 14 дрондун жок кылынганын билдирди.
