Түркиянын президенти Режеп Таййип Эрдоган: «Эл аралык соттун өкүмдөрүнө карабастан Сребреница геноцидин танган жана согуш кылмышкерлерин даңазалаган ар кандай билдирүү же декларацияны четке кагабыз»,-деди.

Режеп Таййип Эрдогандын билдирүүсү, 1995-жылы миңдеген босниялыктардын өмүрүн алган Сребреница кыргынынын 30 жылдыгына карата жарыяланган видео кайрылуусунда орун алды.

Эрдоган ошондой эле Түркиянын Босния-Герцеговинанын аймактык бүтүндүгү, эгемендиги жана конституциялык түзүлүшүнө шартсыз колдоосунун улана турганын кайталады.

Израилдин Газага каршы уланып жаткан кол салууларына токтолгон Эрдоган, ондогон жылдар мурун эл аралык коомчулук Сребреницадагы окуяларга унчукпаганын, эми Палестинада болуп жаткан зулумдукту да көрмөксөнгө салганын айтты.

Эрдоган Израиль өкмөтү 58 миңдей палестиналыкка геноциди үчүн "эртеби-кечпи" мыйзам жана тарых алдында жооп берерин баса белгиледи.