Түркиянын парламент төрагасы Нуман Куртулмуш ишемби күнү Ватикандагы Ыйык Петр аянтында өткөн Папа Францисктин тажыясына катышып, Түркияны бул иш-чарада өкүлчүлүк кылды.

Куртулмуш Ватиканга келгенде, аны Ватикандын Мамлекеттик катчысы, италиялык кардинал Пьетро Паролин тосуп алды.

Иш-чара учурунда Куртулмуш Азербайжандын Улуттук Жыйынынын төрайымы Сахиба Гафарова менен жолугушуп, ошондой эле башка парламенттик лидерлер жана өлкө өкүлдөрү менен пикир алышты.

Тажыядан кийин Куртулмуш Ватикандагы Түркиянын элчилигине барды.

Дүйшөмбү күнү 88 жашында каза болгон Папа Францисктин тажыясына 250,000ден ашуун адам, анын ичинде дүйнө лидерлери жана падышалык үй-бүлөлөрдүн өкүлдөрү катышты.

Католик чиркөөсүнүн лидери 1936-жылдын 17-декабрында Буэнос-Айресте италиялык иммигранттардын үй-бүлөсүндө төрөлгөн.

Ал Аргентинада жана кийин Германияда билим алып, 1969-жылы Иезуит дин кызматчысы катары кызматка киришкен.

Папалык кызматында он жылдан ашуун убакыт бою ал суктануунун жана талаш-тартыштардын фигурасы болуп калды.

Ал Ватикандын бюрократиясын реформалоого, коррупцияга каршы күрөшүүгө жана чиркөөнүн эң маанилүү көйгөйлөрүн чечүүгө аракет кылган.

Папа февраль айында Римдеги ооруканага бронхит менен жаткырылып, бул кийинрчерээк эки тараптуу пневмонияга айланганы белгиленген. Ал 38 күндөн кийин Ватикандагы резиденциясында сакайууну улантуу үчүн чыгарылган, бирок анын ден соолугу начарлай берген.