Түштүк Кореянын маалымат каражаттары ишемби күнү өлкөдө бийликтеги партиянын президенттикке талапкер катары мурдагы премьер  - министр Хан Дак – суну тандагандыгын жарыялады.

Йонхап маалымат агенттигинин маалыматына караганда бул чечим Хан менен Элдин  күчү партиясынын ( ЭКП) ортосунда өткөрүлгөн сүйлөшүүлөрдөн кийин чыгарылды. Элдин күчү партиясы буга чейин келерки айдагы шайлоодо талапкер катары Ким Мун – суну көрсөткөн.

Элдин күчү партиясы Кимдин талапкерлигин жокко чыгаруу процессин баштоо үчүн чукул жыйынга чакырды. Расмий чечимдин жекшемби күнү жарыяланышы күтүлүүдө. Ким бул кадамды катуу сынга алып, муну "түн жарымындагы саясий төңкөрүш" деп мүнөздөгөн.

Кимдин ишемби күнү Элдин күчү партиясынын лидерлигинин чечимине тоскоол болуу үчүн Сеулдагы сотко чукул түрдө чара көрүү үчүн кайрылгандыгы да маалымдалды. Ким буга чейин талапкерликтен алынуу чечимине каршы мыйзамдуу жана саясий кадамдарды таштай тургандыгын билдирген.

Ким Мун Су : "Түн ортосунда саясий төңкөрүш болду. Бул антидемократиялык акт Түштүк Кореянын конституциялык тарыхында гана эмес, дүйнөлүк тарыхта да болбогон окуя", - деди

Ким өзгөчө : «Бул жагдайдан жооптууларды мыйзамдуу жана саясий жактан жоопко тартамын»,- деп эскертти.

Түштүк Кореяда Конституциялык сот мурдагы президент Юн Сук Ёлду кызматтан алгандан кийин 3-июнда мөөнөтүнөн мурда президенттик шайлоо өткөрөт.

JoongAng Ilbo гезитинин акыркы сурамжылоосуна ылайык, Демократиялык партиянын талапкери Ли Чжэ Мён 47 пайыз колдоо менен жарышта алдыда, 23 пайыз менен Хан, 13 пайыз менен Ким жана 4 пайыз менен Реформа партиясынын талапкери Ли Джун Сок келе жатат.