Түркиянын президенти Эрдоган Анкаранын Иранга карата позициясы "абдан ачык" экенин билдирип, Түркия ар дайым согуш эмес, тынчтык тарапта болуп келгенин баса белгиледи.
Ирандагы ок атышууну токтотуу боюнча өлкөнүн аракеттерине токтолгон Эрдоган шаршемби күнкү билдирүүсүндө, "кагылышуулардын токтотулушу, ок атышпоонун камсыздалышы жана сүйлөшүү үстөлүнө кайрадан кайтуулары үчүн тыгыз иш-аракеттерди жүргүзүп жатышканын" айтты.
Президент: "Биз от жалыны күчөй электе, от чөйрөсү кеңейе электе, дагы көп адамдар каза болуп, дагы көп кан төгүлө электе өрттү өчүрүүгө аракет кылып жатабыз", - деди.
Эрдоган Израиль өкмөтүнүн аракеттерин кескин сынга алып, "Ар бир түндү баш калкалоочу жайларда өткөргөн Израиль эли да азыр Холокосттон берки эң чоң апааттын Нетаньяху экенин ачык айтып жатышат" деди.
АКШ менен Израиль 28-февралда Иранга биргелешкен чабуулдарды башташты. Бул чабуулдарда 1300дөн ашык адам, анын ичинде Ирандын Жогорку лидери Али Хаменеи жана 150дөн ашык мектеп окуучусу каза болду.
Тегеран болсо Израилге, Иорданияга, Иракка жана АКШнын аскердик күчтөрү жайгашкан ар кайсы Перс булуңу өлкөлөрүнө каршы дрон жана ракеталык чабуулдар менен жооп кайтарды.
