Казакстандын энергетика министри Ерлан Аккенженов басма сөз жыйынында билдирүү жасады.

Министр Аккенженов эки өлкөнүн ортосунда орусиялык мунайды «Конденсат» заводунда кайра иштетүү боюнча келишимге жетишилгенин жарыялады.

Аккенженов иштетилген мунайдын болжол менен 30 пайызы ички рынокто сакталаарын, ал эми калганы Орусияга жөнөтүлөрүн билдирди.

Ал орусиялык мунайды кайра иштетүүчү заводго темир жол аркылуу ташыларын белгилеп, заводдун географиялык жайгашкан жерине байланыштуу ал Казакстандын да, Орусиянын да мунай кууруна туташпаганын белгиледи.

Аккенженов: «Завод туюк аймакта жайгашкан жана Орусия Федерациясына жакыныраак. Баары темир жол транспортунун кубаттуулугуна жараша болот», - деди.

Орусиялык мунайды жеткирүү жакында башталышы мүмкүн

Орусиялык мунайды Батыш Казакстан облусундагы «Конденсат» мунай иштетүүчү заводуна жеткирүү жакында башталат деп күтүлүүдө.

Заводдо анын өндүрүштүк кубаттуулугун кайра түзүү жана көбөйтүү боюнча иштер жүрүп жатат.