Жетекчилердин билдиргенине караганда орус кол салуулары жалпы УЦкраинада 21 кишинин өлүмүнө жол ачты.
Украинанын президенти Владимир Зеленский Москва жетекчилигин сындап, 9-майдагы аскердик параддын алдында ок атышууну токтотууну талап кылып жаткан учурда да чабуулдар уланып жатканын билдирди.
Шейшемби күнү Запорожье, Краматорск жана Днепр шаарларына жасалган чабуулдар Украина сунуштаган ок атышууну токтотуу жарыясына бир нече саат калганда ишке ашты.
Запорожьедеги чабуулда 12 адам каза болду. Зеленский бул чабуулдун «эч кандай аскердик негизи жок экендигин» белгиледи.
Шейшемби күнкү кол салуулардан кеминде 70 адам жаракат алды, бийлик муну акыркы жумалардагы эң кандуу окуя деп мүнөздөдү.
Шейшемби күнү кечинде Днепр шаарына да кол салуу болуп, төрт жаран каза болду; Краматорск шаарынын борборуна жасалган кол салуудан дагы бешөө каза болду.
Ок атышууну токтотуу учурундагы кол салуулар
Зордук-зомбулуктун ортосунда Зеленский жарыялаган ок атышууну токтотуу жергиликтүү убакыт боюнча түн жарымында күчүнө кирди.
Ошол эле Россия тарабынан жарыяланган 8-9-Май Жеңиш күнүнө карата ок атышууну токтотуу эки күн мурда башталды.
Зеленский 6‑майдагы ок атынууну токтотууну: "адам өмүрү ар кандай майрамдан да кымбат" деп жарыялады.
Украинанын президенттик аппаратынын башчысы Кирилл Буданов шейшемби күнү Киевдеги ок атышууну токтотуу "тынчтыкка болгон чыныгы каалоону" чагылдырганын билдирди.
Россиянын Экинчи дүйнөлүк согуштагы Жеңиш күнүн белгилөө учурундагы ок атышууну токтотуу талабын четке каккан Зеленский: «Бизге жымжырттык керек... бир нече сааттык «майрамдоо» үчүн эмес, күн сайын», — деди.
Москва 8-9-май күндөрү ок атышууну токтотууну жарыялап, Россиянын Коргоо министрлиги коопсуздукту камсыздоо үчүн «зарыл болгон бардык» чараларды көрөрүн билдирди. Ошону менен бирге, майрамдык иш-чаралар үзгүлтүккө учурай турган болсо «чоң масштабдагы» жооп кайтаруучу ракеталык чабуул жасала турганын эскертти.
Бир тараптан АКШнын мамлекеттик катчысы Марко Рубио Россиянын өтүнүчү менен Россиянын тышкы иштер министри Сергей Лавров менен телефон аркылуу сүйлөшүп, эки тараптуу карым - катнаштар жана согуш тууралуу талкуулашты.
