Перуда депутаттар шаршемби күнү Хосе Балькасарды апрель айындагы жалпы шайлоо алдында өлкөнүн жаңы убактылуу президенти катары шайлашты. Муну менен Балькасар акыркы сегиз жылдын ичинде өлкөнүн сегизинчи президенти болду.
Балькасар ошондой эле Конгресстин төрагасы милдетин да аткарат.
Перу Конгресси шешемби күнү кыйтайлык бир ишер менен өткөрүлгөн жана мазмуну жарыяланбаган сүйлөшүүлөр чыр - чатагынан улам төрт ай гана кызматта болгон президент Хосе Херини кызматынан алуу чечимин чыгарды.
Балькасар шаршемби күнү, мурунку президенттин кызматтан кетишине алып келген саясий башаламандыктан кийин дароо Перу Конгрессинин төрагасы катары ант берди.
Төрт талапкердин эч кимиси абсолюттук көпчүлүктү камсыз кыла албагандыктан, бир нече саатка созулган отурумда депутаттар Мария дель Кармен Альвага каршы Балькасардын талапкерлигин колдошту.
Балькасардын убактылуу кызматы 12-апрелдеги президенттик шайлоого эки айга жетпеген убакыт калганда башталды. Шайлоонун экинчи туру июнь айында өтөрү күтүлүүдө. Ал эми жаңы шайланган президент кызматка кирише турган 28-июлга чейин Балькасар ордунда калат.
Перу Конгресси бир күн мурун президент Хосе Херини төрт айдан кийин кызматынан алуу чечимин чыгарды; бул окуя өлкөдөгү лидерлик кризисин тереңдетип, мындан ары эмне болору тууралуу суроолорду жаратты.
Перу 2018-жылдан бери президенттерин тез-тез алмаштырып келет; бул абал аткаруу бийлиги менен Конгресстин ортосундагы терең ажырымды жана туруктуу коалиция түзө албаган чачыранды партиялык системаны ортого салууда.
Хери Перунун кызматтан кыска убакыттын ичинде алынган үчүнчү президенти болду; кыска убакытка созулган кызматы кытайлык бир ишкер менен өткөргөн жана мазмуну жарыяланбаган сүйлөшүүлөр менен бирге бир топ саясий чыр - чатактан улам аяктады.
Перу дүйнөдөгү үчүнчү ири жез өндүрүүчүсү болуп саналат жана тоо-кен тармагына көз каранды экономикасы ушул кезге чейин саясий соккуларга туруктуулугун көрсөтүп келет. Өткөн жылы аймактагы башка көптөгөн өлкөлөргө салыштырмалуу туруктуу өсүш жана салыштырмалуу төмөн инфляция байкалган. Ошентсе да Балькасардын алдында рынокту тынчтандыруу, коомдук тартипти сактоо жана ишенимдүү шайлоо өткөрүү сыяктуу чектелүү, бирок өтө маанилүү милдеттери бар.
Ошого карабастан, Балкасар чектелүү, бирок маанилүү милдеттин алдында турат: рынокторду тынчтандыруу, коомдук тартипти сактоо жана ишенимдүү шайлоо өткөрүү.
«Teneo» консалтингдик компаниясынын башкы директору Николас Уотсон: «Херинин ордуна келген адамдын июль айына чейин чыдай албасын ойлонуу кыйын; беш айдын ичинде дагы бир жолу президент алмашуусу Перу саясатындагы кризистин туу чокусу болот», — деди.
