Кырсыктарды жана өзгөчө кырдаалдарды башкаруу башкармалыгынын (AFAD) билдирүүсүнө ылайык, Венесуэлада 25-июнда болгон 7,2 жана 7,5 баллдык жер титирөөлөрдөн кийин Түркиянын аймакка багытталган гуманитардык жардам иштери уланууда.

Президент Режеп Таййип Эрдогандын көрсөтмөлөрүнө ылайык, AFADдын координациясы астында Венесуэладагы иштерге колдоо көрсөтүү жана Түркиянын жардамдарын муктаждарга жеткирүү максатында иш-аракеттер жүргүзүлүүдө.

Бул алкакта, Улуттук коргоо министрлигине таандык 2 учак менен аймакка зарыл болгон гуманитардык жардам материалдары жөнөтүлдү.

Кайсериден жолго чыккан учактар менен Ички иштер министрлигине караштуу AFAD тарабынан камсыздалган 275 чатыр жана Саламаттыкты сактоо министрлиги тарабынан камсыздалган 7 тонна медициналык каражат болуп, жалпысынан 30 тонна гуманитардык жардам материалы Венесуэлага жеткирилди.