Президент Режеп Таййип Эрдоган Бириккен Араб Эмирликтеринин (БАЭ) президенти шейх Мухаммед бин Заид Аль Нахайян менен телефон аркылуу сүйлөштү.
Президенттиктин коммуникация директорлугунун NSosyal эсебинен берилген маалыматка караганда сүйлөшүүдөТүркия менен Бириккен Араб Эмирликтеринин ортосундагы эки тараптуу карым-катнаштар, аймактык жана глобалдык маселелер каралды.
Президент Эрдоган Түркия менен Бириккен Араб Эмирликтеринин ортосундагы кызматташтыктын коргонуу өнөр жайы жана экономика сыяктуу көп тармакта улана турганын белгилеп, карым-катнаштарды жакшыртуу үчүн аракет кылып жаткандарын айтты.
Эрдоган Түркиянын аймактагы Иран-АКШ тирешүүсү жана ушул сыяктуу кагылышуу процесстерин токтотуу үчүн аракет кылып жатканын, тынчтыкты көздөгөн дипломатиялык демилгелердин улана турганын, аймактагы боордош өлкөлөргө кол салууларды эч качан жактырбай турганын айтты.
Президент Эрдоган эки өлкөнүн кызматташтыгынын башка аймактык темаларда да маанилүү экенин белгиледи.
Түркия АКШ—Иран кагылышуусунан дипломатиялык жол менен чыгууну көздөйт
Анкара кагылышуу башталгандан бери Вашингтон менен Тегерандын ортосундагы диалогду жактоочу катары позициясын бекемдеп, эки тарап жана аймактагы өкмөттөр менен байланышын улантууда.
Эрдоган май айында АКШнын президенти Дональд Трамп менен Бириккен Араб Эмирликтери, Катар, Египет, Сауд Арабия, Иордания, Бахрейн жана Пакистандын лидерлери да катышкан жогорку деңгээлдеги телеконференцияга катышкан. Бул сессияларда Иранга тиешелүү окуялар талкууланды.
Эрдоган талаш-тартыштарды диалог жана дипломатия жолу менен чечүүгө чакырып, Түркия Вашингтон менен Тегерандын ортосунда кандай гана келишим болбосун ишке ашырууну колдоого даяр экенин айтты.
Эрдоган андан кийин Ирандын президенти Масуд Пезешкиан менен жолугуп, АКШ-Иран процессинин тынчтык менен бүтүшү үчүн Түркиянын ар кандай колдоо көрсөтүүгө даяр экенин билдирди.
Июнь айында АКШ менен Ирандын ортосунда убактылуу келишим жарыяланганда, Эрдоган муну кагылышууну токтотуу үчүн жасалган маанилүү кадам катары сыпаттады жана Түркия бул кризистин бардык мезгилинде «биринчи кезекте дипломатия» мамилесин сактаганын айтты.
