Франция соту Европанын эң узак мөөнөткө түрмөдө отурган саясий туткундарынын бири болгон Ливан жараны Жорж Ибрагим Абдалланы бошотуу чечимин чыгарды.
BFM TV кабарына ылайык, Париж апелляциялык сотунун кылмыш иштери боюнча палатасы Абдалланы бошотууну бекитти.
Сот Абдалланы 25-июлда бошотуу чечимин чыгарды. Абдалла Ливандын улуттук кыймылынын составында болгон жана кийин Палестинанын каршылык көрсөтүү тобуна кошулган.
1984-жылдын 24-октябрында Франциянын Лион шаарында кармалган Жорж Ибрагим Абдалла израилдик жана америкалык дипломатты өлтүрүүгө көмөктөшкөн деген айып менен соттолгон.
СУНУШТАЛАТ
1987-жылы өмүр бою эркинен ажыратылган Абдалла абакта 40 жылдан ашык убакытта 10 жолу бошотууну талап кылган.
