Иран парламентинин төрагасы Мухаммед Багер Калибаф стратегиялык кысыктагы чыңалуу уланып жатканда "Ормуз кысыгында жаңы теңдеме калыптанып жатканын" айтты.

Шейшемби күнү социалдык медиа аккаунту аркылуу жарыялаган билдирүүсүндө Калибаф: "АКШ жана анын союздаштары ок атышууну токтотуу келишимин бузуп, блокада киргизгендиктен деңиз транспортунун жана энергетикалык транзиттин коопсуздугуна коркунуч келтирилди; бирок келтирген зыян азайтылат", - деди.

Калибаф ошондой эле: "Азыркы кырдаал АКШ үчүн чыдагыс болуп калды", - деп билдирди.

АКШ менен Израилдин 28-февралда Иранга жасаган чабуулдары Тегерандын Израилге, Перс булуңундагы АКШнын союздаштарына каршы өч алуусуна жана Ормуз кысыгынын жабылышына алып келди.

Пакистандын ортомчулугунда түзүлгөн ок атышууну токтотуу 8-апрелде күчүнө кирди, бирок Исламабаддагы сүйлөшүүлөр узак мөөнөттүү келишимге жетише алган жок. Кийинчерээк АКШнын президенти Дональд Трамп ок атышууну токтотууну белгисиз мөөнөткө узартты.

13-апрелден бери АКШ Ормуз кысыгында Ирандын кемелерин бутага алган деңиз блокадасын киргизип келет.