Түркиянын жана Европанын эң ири коргонуу, авиация жана космос өнөр жай кластери болгон SAHA Стамбул тарабынан уюштурулган SAHA-2026 эл аралык коргонуу, авиация жана космос өнөр жай жарманкеси Стамбул жарманке борборунда өтүп жатат.
Иш-чара Стамбул жарманке борборунда конокторду тосуп алууда. Жалпысынан 400 000 чарчы метр аянтта, имараттын ичинде жана сыртында уюштурулган SAHA-2026 бүгүнкү күнгө чейинки эң ири иш-чаралардын бири болуп саналат, анын 20 000 чарчы метри ачык көргөзмө аянты катары бөлүнгөн.
120дан ашык өлкөнү камтыган жарманкеге 1700дөн ашык компания, анын ичинде 263 эл аралык фирма жана 30 000ден ашык тармактык адистер катышууда.
SAHA-2026 жарманкесинде 203 жаңы продукция таанытылып, жалпысынан 164 кол коюу аземи болот. Максат - SAHA 2024тө жетишилген 6,2 миллиард долларлык экспорттук келишимдин наркын SAHA-2026 жарманкесинде кеминде 8 миллиард долларга жеткирүү.
Европа, АКШ жана Канаданын катышуусу менен көптөгөн компаниялар, компания өкүлдөрү, расмий делегациялар, соода делегациялары жана төрт континенттен келген коноктор SAHA-2026 жаманкесинде жолугушууда.
Көптөгөн жогорку технологиялуу жана оюнду өзгөрткөн жаңы продукциялар биринчи жолу глобалдык экосистема менен SAHA-2026да жолугушат. Жарманкенин алкагында Атакөй Маринасында ата мекендик жана улуттук капитансыз деңиз аппараттары да көрсөтүлүүдө.
Жаңы улуттук технологиялар көрсөтүлдү
SAHA-2026да биринчи жолу көптөгөн технологиялар көрсөтүлөт. Бул контекстте, жарманкеде Baykar тарабынан улуттук деңгээлде иштелип чыккан, 1000 километрден ашык аралыкка учуу аралыгы жана жасалма интеллект колдогон автономдуу мүмкүнчүлүктөрү менен көңүлдү бурган MIZRAK акылдуу учуучу ок-дарылары эл назарына коюлду.
Baykar компаниясынын K2 Kamikaze учкучсуз учагы жана чиркей формасындагы ок-дарылары да SAHA-2026да биринчи жолу көрсөтүлдү.
ASELSAN компаниясы 5 жаңы өнүм жана 6 өнүмдүн жаңы версиялары менен келечектин улуттук технологияларын SAHA-2026да глобалдык коргонуу экосистемасы менен бириктирди.
ROKETSAN менен FNSS биргеликте иштеп чыккан жана коомчулукка "лазердик курал" катары белгилүү болгон ALKA-KAPLAN гибриддик багытталган энергия курал системасынын платформасы SAHA-2026да кошумча жөндөмдөрү менен көрсөтүлүүдө.
ROKETSAN ошондой эле жарманкеде өзүнүн эң жаңы жана эң алдыңкы технологиялык продуктуларын таанытууда. STM компаниясы болсо SAHA-2026да биринчи жолу заманбап согуш талаасынын муктаждыктарын канааттандыруу үчүн иштелип чыккан аба жана деңиз системаларын көрсөтүүдө.
Жарманкеге 140тан ашык расмий делегация, 800дөн ашык расмий делегация мүчөлөрү жана коммерциялык сатып алуу делегацияларынын 200дөн ашык өкүлү катышып жатат.
Тармак адистерине эшигин ачкан жарманке 9-майда коомдук күн иш-чарасынын алкагында коомчулукка ачылат.
