Эрдоган шаршемби күнү Анкарада ыйык Рамазан айына карата берилген ооз ачуу (ифтар) тамагында: «10-октябрда биздин да аракеттерибиз менен жетишилген ок атышууну токтотуу келишимине карабастан, мыйзам тааныбаган Израиль өкмөтү Газага жана Батыш Шерия чабуулдарын күчөтүү менен улантууда», — деди.
Режеп Таййип Эрдоган Газада Рамазан айында убактылуу баш калкалоочу жайларда ооз ачып жаткан палестиналыктардын «зулумга моюн сунбастан», мусулмандар үчүн ишенимдин үлгүсүн көрсөтүп жаткандарын айтты.
Эрдоган аймакка гуманитардык жардамдын киришине олуттуу тоскоолдуктардын уланып жаткандыгын да кошумчалады.
Президент: “Газанын өмүр булагы болгон Рафах чек ара капкасындагы чектөөлөр, зордук - зомбулуктар жана Израилдин өзүм билемдик аракеттери тилекке каршы улантылууда”,- деди.
Палестина менен тилектештик
Эрдоган бул ыйык күндөрдүн эң башта Палестинанын баатыр балдары болгон дүйнөнүн төрт тарабында өз намысын, кадыр-баркын жана эркиндигин коргоо үчүн күрөшүп жаткан бардык эзилгендердин кутулуусуна, эңсеген тынчтыкка жетүүсүнө себеп болушун тилеп: "Көңүд жана маданият географиябыздын ар бир бурчундагы боордошторубузга бул жерден салам жолдоп, дубаларыбыз алар менен бирге экенин билдирем", - деди.
Израиль 2023-жылдын 8-октябрында Газага тынымсыз чабуул жасап, көпчүлүгү аялдар менен балдардан турган 72 000ден ашуун адам каза болду жана 171 000ден ашуун адам жаракат алды.
АКШ колдогон ок атышпоо келишими 10-октябрда Газада күчүнө кирди.
Бирок, ок атышууну токтотууга карабастан, Газанын саламаттыкты сактоо кызматкерлеринин айтымында, Израиль күчтөрү артиллериялык ок атуулар жана куралдуу кол салуулар менен жүздөгөн эреже бузууларды жасап, кеминде 615 адамды өлтүрдү жана1600дөн ашык адамды жарадар кылды.
