Түркия 2026 ФИФА Дүйнө кубогуна катыша турган 26 оюнчудан турган акыркы курамын жарыялады. Башкы машыктыруучу Винченцо Монтелла АКШ, Канада жана Мексикада өтө турган турнир үчүн тажрыйбалуу улуттук кураманын оюнчулары менен жаңы өсүп келе жаткан таланттарды жолугуштурду.
Түркия Европа тандоолорундагы ийгилигинен кийин, 11-июнь жана 19-июль аралыгында ойноло турган Дүйнөлүк кубок сахнасына кайтууда.
Капитан Хакан Чалханоглу курамдын башында орун алып; Реал Мадриддин жылдызы Арда Гүлер, Ювентустун чабуулчусу Кенан Йылдыз жана тажрыйбалуу коргогучу Мерих Демирал да бар.
Монтелланын курамына кирген үч дарбазачы Алтай Байындыр, Мерт Гүнок жана Угуржан Чакыр болду.
Коргоо линиясында Абдүлкрим Бардакчы, Эрен Элмалы, Чаглар Сөйүнжү, Мерт Мүлдүр, Ферди Кадыоглу, Мерих Демирал, Озан Кабак, Самет Акайдын жана Зеки Челик орун алат.
Жарым коргоочуда Хакан Чалханоглу, Исмаил Йүксек, Каан Айхан, Оркун Көкчү жана Салих Өзжан бар.
Түркиянын чабуул сызыгындагы тандоолорунун арасында Арда Гүлер, Барыш Алпер Йылмаз, Юнус Акгүн, Жан Узун, Дениз Гүл, Ирфан Жан Кахвежи, Кенан Йылдыз, Керем Актүркоглу жана Огуз Айдын бар.
Жан Узун жана Дениз Гүл сыяктуу өзгөчө көңүлдөрдү бурган жаш оюнчулар курамда орун алып, Түркия Монтелланын жетекчилиги астында соңку мезгилдеги өсүүсүн улантууга аракет кылат.
Тайпалык оюндардын тартиби
Түркия Дүйнө кубогундагы сапарын 14-июнда Ванкувердеги "BC Place" стадионунда Австралияга каршы оюн менен баштайт.
Ай - Жылдыздардан кийин 20 - июнда Сан-Франциско булуң аймагында Парагвай менен беттешет жана 26 - июнда Лос-Анжелесте үй ээси АКШ менен беттешет.
Түркиянын тайпалык этаптагы оюндарынын убактысы (GMT):
• 14-июнь: Австралия - Түркия – 04:00 (Ванкувер)
• 20-июнь: Түркия - Парагвай – 03:00 (Сан-Франциско аймагы)
• 26-июнь: Түркия - АКШ – 02:00 (Лос-Анжелес)
Улуттук курама бул турнирде тайпасынан ийгиликтүү чыгып, жолун улантууну жана 2002 ФИФА Дүйнөлүк кубогунда жетишкен тарыхый үчүнчү орундук ийгилигин кайталоону максат кылууда.
