Президент Режеп Таййип Эрдоган Омандын султаны Хейсем бин Тарик бин Теймур Эль-Саид менен телефон аркылуу сүйлөшүү жүргүзүп, Израиль менен Ирандын ортосундагы курчуп бараткан кагылышууларды, ошондой эле аймактык жана глобалдык маселелерди талкуулады.
Президенттиктин жекшемби күнкү билдирүүсүнө караганда Эрдоган, «Израилдин Иранга кол салууларынан улам келип чыккан кагылышуулар аймактык коопсуздук үчүн олуттуу коркунуч туудурарын» эскертип: «Аймак жаңы согушту көтөрө албайт»,-деди.
Эрдоган Израилдин премьер-министри Биньямин Нетаньяхунун башкаруусун да сынга алып, бул башкарууну «глобалдык ырааттуулук жана коопсуздук үчүн көйгөй» деп мүнөздөдү.
Президент Эрдоган кол салуулардын өзөктүк сүйлөшүүлөрдүн алтынчы айлампасына аз калганда болгонун баса белгилеп, Анкаранын «өзөктүк келишпестикти чечүүдө сүйлөшүүнүн жалгыз жол» экенин карманганын баса белгиледи.
Кагылышуулардын гуманитардык жагына көңүл бурган Эрдоган: «Акыркы окуялар Израилдин Газада жасап жаткан геноцидине көлөкө түшүрбөшү керек»,-деди.
Аймактык жетекчилер менен буга чейинки сүйлөшүүлөр
Эрдогандын Омандын султаны менен сүйлөшүүсү Иран, Сауд Арабия, Египет, Иордания, Пакистан, Сирия жана Америка Кошмо Штаттарынын лидерлери менен дем алыш күндөрү өткөргөн бир катар телефон сүйлөшүүлөрүнөн кийин болду.
Эрдоган ишемби күнү Ирандын президенти Масуд Пезешкиан менен телефон аркылуу сүйлөшкөндө Израилдин премьер-министри Биньямин Нетаньяху Иранга кол салуу менен аймакты өрттөп, өзөктүк сүйлөшүүлөрдү бузууга аракет кылып жатканын айтты.
Президенттик Эрдогандын Пезешкианга Израилдин кол салууларынын максаты Газадагы геноцидге көлөкө түшүрүү болгонун айтканын билдирди.
