Иран Трамптын айыптоолорун четке кагып, АКШны "терроризмдин эң чоң колдоочусу" экендигин айтты
Иран АКШнын көп кайталанган дооматтарынын Израиль жана Вашингтондун "биргелешкен кылмыштары" болгон, жарандарга жана өзөктүк объектилерге жасалган кол салууларды актай албайт турганын айтты.
Иран АКШysy президенти Дональд Трамптын шейшемби күнү сүйлөшүүлөргө чакыруусуна катуу каршылык көрсөтүп, Вашингтондун терроризм боюнча айыптоолорун “негизсиз” деп мүнөздөдү.
Египеттин Шарм-эл-Шейх шаарында өтө турган эл аралык тынчтык саммитине катышаар алдында Трамп дүйшөмбү күнү Израилдин парламенти, Кнессетте сөз сүйлөп, Ирандын лидерлери “террорчуларды четке кагышы, кошуналарын коркутууну токтотушу, прокси согушкерлерди каржылоону токтотуусу жана акырында Израилдин бар болуу укугун таануусу” керектигин айтып, мунун аймак үчүн эң жакшы болорун айтты.
Трамп өзгөчө Ирандын "келишим түзүүнү каалбаганын" айтканына карабастан, АКШ менен тынчтык келишимин каалай турганын билдирди.
Бул тууралуу Ирандын расмий маалымат агенттиги IRNA Ирандын Тышкы иштер министрлиги тараткан билдирүүгө таянуу менен маалымат берди. Маалыматта: «Дүйнөдөгү эң чоң терроризмди өндүрүүчү мамлекети болгон жана террорчу, геноциддик сионисттик режимдин (Израиль) колдоочусу катары АКШнын башкаларды айыптай турган артыкчылыгы жок», - деп айтылды..
Министрлик ошондой эле: "Ирандын тынчтык максаттагы өзөктүк программасы боюнча жалган дооматтарды кайталоосу АКШ менен сионисттик режимдин Ирандын аймагын бузуу менен биргелешип жасаган кылмыштарын эч кандай актай албайт",- деп билдирди.
13-июнда Израиль Тегеранга күтүүсүз чабуул жасап, өлкөдөгү аскердик, өзөктүк жана жарандык объекттерди, ошондой эле жогорку даражалуу аскер командирлери менен ядролук илимпоздорду бутага алган.
Тегеран Израилге ракеталык жана учкучсуз учактар менен сокку урду.
АКШ Ирандын үч өзөктүк объектисин бомбалады.
12 күнгө созулган кагылышуу 24-июнда күчүнө кирген АКШ колдогон ок атышпоо келишими менен аяктады.
‘Эл аралык адилеттикти бөгөттөө’
Ирандын тышкы иштер министрлиги Вашингтонду "БУУнун Коопсуздук Кеңешинде Израилге каршы натыйжалуу кандайдыр бир аракеттерге бөгөт коюу жана израилдик кылмышкерлерди соттоону көздөгөн эл аралык сот процесстерин токтотуу" сыяктуу Израилдин кол тийбестигин сактоодогу ролу үчүн жоопко тартылышы керектигин билдирди.
2023-жылдын октябрь айынан бери Израилдин Газага жасаган чабуулдарынан улам, көбү аялдар жана балдар болгон 67 800дөн ашуун палестиналык каза болуп, аймак жашоого мүмкүн болбой турган абалга келди.
Израиль менен ХАМАСтын ортосундагы ок атышпоо келишиминин биринчи фазасы жума күнү күчүнө кирди.