Стамбулдун Үскүдар районунда миңдеген адамдар, Израилдин Газага чабуулдарын айыптоо үчүн гуманитардык уюмдар тарабынан уюштурулган “Газа өлүп жатат! Көтөрүлгүлө!” аттуу массалык митингге чогулушту.

Жекшемби күнү уюштурулган демонстрацияда эл Израилдин 2023-жылдын 7-октябрынан бери он миңдеген адамдын өмүрүн алган Газага кол салуусуна каршылык көрсөтүү үчүн Үскүдар аянтына барышты.

Нааразылыкка чыккандар түрк жана палестин желектерин көтөрүп, “Мыкаачы Израиль жок болсун” деген ураандарды чакырышты. Алар “Палестинада 50.800дөн ашуун адам шейит болду” жана “Газадагы блокада мыйзамсыз” деген жазууларды кармап турушту.

Катышуучулар Газадагы элге тилектештигин билдиришип, сөз сүйлөгөндөр мусулман өлкөлөрүн Израилдин адамзатка каршы кылмыштарына каршы турууга чакырышты.

Гуманитардык Жардам Фондунун өкүлү Ахмет Гөксун да кайрылуусунда, Израилдин Газадагы курчоосу аркылуу дүйнөгө зомбулукту көрсөтүп жатканын айтты.

Гөксун: «Бул жапайычылык, геноцид жана зулумдукту токтоткула» деди.

Нааразылык акциясы, Израилдин Газадагы аскерий чабуулун сынга алуу күчөп, көптөгөн өлкөлөрдө, анын ичинде Түркияда массалык демонстрацияларга алып келген учурга туш келди.