Түркия Республикасынын Тышкы иштер министри Хакан Фидан Израилдин стратегиялык багыты Ирандан кийинки аймактык атаандашы катары Түркияны көрсөтүүгө өтүшү мүмкүн экенин эскертти. Ал Израилдин саясаты барган сайын тышкы душмандарды аныктоого көз каранды абалга келгенин белгиледи.
Фидан дүйшөмбү күнү Анадолу агенттигине берген маегинде Анкаранын Израилдин өзгөрүп жаткан аймактык позициясына карата баа берүүсүндө: "Ирандан кийин Израиль душмансыз жашай албайт. Түркияны жаңы душманы катары жарыялоо аракетин көрүп жатабыз",- деди.
Фидан Жакынкы Чыгыш өлкөлөрүн эгемендүүлүккө, аймактык бүтүндүккө жана улуттук коопсуздукка өз ара сый көрсөтүүнүн негизинде расмий аймактык коопсуздук алкагын сактоого чакырды; ал мындай келишим аймактагы узак мөөнөттүү карым - катнаштарды турукташтыруу үчүн зарыл экенин айтты.
“Ливанда Газадагы тааныш көрүнүштөрдү көрүп жатабыз”
Израилдин Ливанда Газадагы кол салууларына окшогон аскердик операцияларды жүргүзүп жатканын, турак жайлар менен инфраструктуранын массалык түрдө талкаланышы алардын айтуусу менен "калкты бошотуу кампаниясынын" бир бөлүгү катары көрсөткөнүн айтты.
Фидан Сирия тууралуу ал жердеги Израилдин кол салууларынын “чоң маселе” экенин жана Түркия үчүн "олуттуу коркунуч" жаратаарын; Израилдин азыркы жумшактыгы Иран менен болгон кагылышууга басым жасоосу менен байланыштуу экенин, бирок мунун көпкө созулбашы мүмкүн экенин кошумчалады
Дипломатиялык контекстте министр Иран менен АКШ ок атышууну токтотуу процессин улантууда «ак ниеттүү» көрүнгөнүн, бирок тышкы күчтөр бул прогрессти үзгүлтүккө учуратышы мүмкүн экенин эскертти.
Фидан ошондой эле Түркиянын Ормуз кысыгынын тынчтык жолу менен кайра ачылышын колдой тургандыгын кайталап, куралдуу кийлигишүү олуттуу тобокелдиктерди жаратаарын баса белгиледи.
Тышкы иштер министри Фидан НАТОго байланыштуу 2026-жылдын 7-8-июлунда Анкарада өтө турган саммиттин альянс тарыхындагы эң маанилүү саммиттердин бири болорун жана НАТО менен АКШнын карым - катнаштарын мындан ары түзүмдөштүрүү үчүн мүмкүнчүлүк бере аларын билдирди.
