Иран Вашингтонго АКШ деңиз блокадасын алып салып, дипломатиялык карым - катнаштарга кайтса, 7 күндүн ичинде Ормуз кысыгын кайра ачууга даяр экенин билдиргени айтылды.
Япониянын Киодо маалымат агенттигине берген маегинде аты аталбаган Иран өкмөтүнүн жетекчиси сунуш АКШга ортомчулар аркылуу жеткирилгенин жана эки өлкөнүн ортосундагы узак мөөнөттүү ок атышууну токтотууга жетишүү үчүн сүйлөшүүлөрдү кайра баштоону сунуштаганын айтты.
АКШнын президенти Дональд Трамптын Нью-Йоркто өткөн Бириккен Улуттар Уюмунун Башкы ассамблеясынын сессиясында Ирандын президенти Масуд Пазешкиан менен жолугушуу өтүнүчүнө токтолгон ирандык жетекчи Трамп менен жолугушуу күмөн болсо да, эки өлкөнүн ортосунда макулдашууга жетишүү мүмкүнчүлүгү бар экенин билдирди.
"Макулдашууга карай жылыш болушу мүмкүн", - деди жетекчи бирок Вашингтон дипломатиялык карым - катнаштарды алдыга жылдыруу үчүн "олуттуулукту жана чечкиндүүлүктү" көрсөтүшү керек экендигин кошумчалады.
Вашингтон сүйлөшүүлөргө кайтып келип, Иранга киргизген деңиз блокадасын токтототуусун күтүп жаткандарын билдирген ирандык жетекчинин айтымында, эгерде бул кадамдар таштала турган болсо Иран стратегиялык жактан маанилүү Ормуз кысыгын 7 күндүн ичинде кайра ачып, сүйлөшүү столуна кайтууга даяр.
19-сентябрдагы билдирүүсүндө Ирандын Жогорку Улуттук коопсуздук кеңешинин катчысы Мухсин Резаи Тегерандын Вашингтонго согушту токтотууга мүмкүндүк берген сүйлөшүүлөрдү кайра баштоо үчүн 7 шарт койгонун билдирди.
Резаи: "Ирандын согушту токтотуу шарттарын кабыл алуу АКШнын кызыкчылыгында. Биз согушка толук даярбыз", - деди.
