Жума күнү The New York Times гезити АКШнын Азык-түлүк жана дары-дармек башкармалыгынын (FDA) ички кат алышуусунда кеминде 10 баланын COVID-19 вакциналарынан улам каза болгону жана буга миокардиттин (жүрөктүн сезгениши) себеп болушу мүмкүн экендиин көрсөткөнүн белгиледи.

Саламаттыкты сактоо жана калкты тейлөө министрлиги (HHS), FDA дагы, Reuters агенттигинин комментарий берүү өтүнүчүнө жооп берген жок.

Бул абал Саламаттыкты сактоо министри Роберт Ф. Кеннеди Жрнын COVID вакциналары боюнча өкмөттүк саясатты кескин өзгөртүп, 65 жаштан жогоркулар жана саламаттыгы начар адамдардын вакциналарга жетүүсүн чектегенден кийин болду.

Президент Дональд Трамптын администрациясында өлкөнүн эң жогорку саламаттыкты сактоо кызматына келгенге чейин көп жылдар бою вакцинага каршы кампаниялары менен таанылган Кеннеди вакциналарды аутизм спектринин бузулушуна байланыштырып, өлкөнүн иммунитетти камсыздоо саясатын өзгөртүүгө аракет кылган.

The New York Times гезитинин маалыматы боюнча, FDAнын башкы медициналык жана илимий кызматкери Винай Прасад тарабынан жазылган эскертүүдө балдардын жашы же ден соолугунун абалы, ошондой эле вакцина өндүрүүчүлөрдүн аттары айтылган эмес.

Прасад бул табылганы "терең ачылыш" деп атап, вакциналарга жүргүзүлүүчү көзөмөлдү күчөтүү, анын ичинде бардык субгруппалар үчүн рандомизацияланган изилдөөлөрдү талап кылуу планын жарыялаганы айтылды.