Түркиянын президенти Режеп Таййип Эрдоган Газанын тез арада айыктыруу жана реконструкцияга муктаж экенин белгилеп, Түркиянын Хамас-Израиль келишиминин туруктуу тынчтыкка салым кошуусу үчүн катуу аракеттерди көрүп жатканын баса белгиледи.

Жума күнү Стамбулда өткөрүлгөн 5 -  Түркия  -  Африка ишкердик жана экономикалык форумунда сөз сүйлөгөн Эрдоган: “Израилдин өткөн тарыхын эске алып сактык менен мамиле кылуудабыз; Газа тез арада айыктыруу жана кайра курууга муктаж»,-деди. Эрдоган Түркиянын келишимдин улантылышы жана туруктуу тынчтыктын жолун ачуу үчүн аракет кылып жатканын да кошумчалады. 

 Судандагы кан төгүү токтошу керек

Эрдоган Суданда уланып жаткан кризис тууралуу кагылышуулардан улам терең кайгыргандыгын билдирип, ок атышпоо жана туруктуу тынчтыктын түзүлүшүн каалады. Эл аралык коомчулуктун Судандагы трагедияга жетеринче көңүл бурбаганын баса белгилеген Эрдоган: “Кан төгүүнү токтотуу баарынын адамдык милдети”,- деди.

Эрдоган : “Тилекке каршы батыш дүйнөсү Африкадагы жарандык согуштарды, кагылышууларды жана келишпестиктерди континенттин тагдыры катары карап жатат”,- деди.

 2023 -  жылдын апрель айынан бери Судан армиясы менен аскерлештирилген Ыкчам колдоо күчтөрүнүн (RSF) ортосундагы кагылышуулар БУУнун жана жергиликтүү жетекчилердин айтымында, 20 000ден ашуун адамдын өмүрүн алып, 15 миллионго жакыны жер которгон; АКШ университеттеринин изилдөөсү каза болгондордун саны  130 000 экендигин болжолдоп жатат.