Россиянын Украинанын чыгышындагы Cлованяск шаарына башкарылуучу бомбалар менен жасаган кол салууcунда беш киши каза болуп, кеминде 15 киши жаракат алды.
Латвия кол салууда Словянск шаарындагы ардактуу консулдугунун жабыркаганын жана эки кызматкердин жаракат алганын билдирди.
Сумыдагы почта бөлүмү аткыланды
Ишемби күнү Украинанын түндүгүндөгү Сумы шаарындагы бир почтага жасалган кол салууда эки киши каза болду.
Сумы аскердик администрациясынын башчысы Сергей Кривошеенко почта бөлүмүнө реактивдүү дрондун келип тийгенин айтып, каза болгондордун бири 49 жаштагы эркек киши экенин жана экинчисинин ким экенин аныктоо иши жүргүзүлүп жатканын айтты.
Украинанын түштүгүндө Запорожьедеги башка бир кол салууда бир киши жаракат алды.
Бучадагы чабуул боюнча шалакылык иликтенип жатат
Россия жума күнү Киев облусунун Буча районундагы коргонуу өнөр жайынын өкүлдөрү катышкан иш-чара өтүп жаткан атайын машыгуу аянтына баллистикалык ракета менен сокку урду.
Кол салууда кеминде 10 киши каза болуп, болжол менен 100 киши жаракат алды.
Украиналык прокурорлор иш - чаранын согуш учурунда жана калктуу конуштарга жакын жерде мындай иш-чараны уюштуруудагы шалаакылыкты иликтөө боюнча тергөө ишин баштады.
Москва болсо Россиянын жерлерине карата кол салууларда колдонулганы айтылган дрондор көргөзмөгө коюлган жерди бутага алганын билдирүүдө.
