Түркия Республикасынын Улуттук Коргоо министрлиги, керек болсо Чыгыш Жер Ортолук деңизиндеги гуманитардык жардам иш-чараларына салым кошо турганын жарыялады.

Министрлик шейшемби күнү түрк социалдык медиа платформасы NSosyal аркылуу жасаган билдирүүсүндө: «Түркия учурда Чыгыш Жер Ортолук деңизинде бараткан жарандык кемелердин гуманитардык жардам иш-аракеттеринин эл аралык укукка жана гуманитардык баалуулуктарга ылайык коопсуз жүргүзүлүшүн кылдаттык менен көзөмөлдөп жатат»,-деди.

Министрлик, аймакта үзгүлтүксүз ар кандай окуу жана иш-чараларды өткөргөн кемелеринин керектүү учурда тийиштүү органдар жана эл аралык тараптар менен макулдашып, издөө-куткаруу мүмкүнчүлүктөрү менен гуманитардык жардам миссияларын колдоого даяр экенин билдирди.

Министрликтин билдирүүсүндө: «Түркия ар дайым болгондой эле, гуманитардык баалуулуктарды коргоо жана күнөөсүз жарандардын коопсуздугу үчүн бардык жерде жана бардык шартта өз милдеттерин аткарууну улантат»,-деп айтылды.