Россия ишемби күнү АКШ администрациясын Украинадагы согушту кандайдыр бир жол менен чечүүдөн мурда "жер-жерлердеги фактыларды" эске алууга чакырып, кырдаалдын Киевге каршы өзгөрүп жатканын айтты.

Россиянын тышкы иштер министринин орун басары Сергей Рябков ТАСС маалымат агенттигине: «Чыныгы маселе – жер-жерлерде болгон фактыларды эске алуу менен АКШ администрациясы учурдагы кризисти реалдуу чечүү жолун табуу үчүн канчалык күч-аракет жумшоого даяр экендигинде",- деди.

Бул тууралуу Рябков АКШнын атайын өкүлү Стив Виткофф менен АКШнын президенти Дональд Трамптын күйөө баласы Жаред Кушнердин Москвага ыктымалдуу сапары тууралуу суроого жооп берип жатып билдирди.

Трамп жума күнү Виткофф менен Кушнердин Россия  менен Украинанын ортосундагы тынчтык келишимине ортомчулук кылуу үчүн чет өлкө тышына чыккан айтты.

"Мен эки мыкты сүйлөшүүчү Стив Виткофф менен Жаред Кушнерди жөнөттүм. Алар сонун иш жасашты жана биз натыйжага жете алар-албасын билүү үчүн аларды ал жакка жөнөттүк. Муну ишке ашырууда бизде жакшы мүмкүнчүлүк болушу мүмкүн", - деди Трамп.

Вашингтондун Иран менен уланып жаткан согушунан улам тынчтык аракеттери токтоп калуу жерине келип, Москва менен Киев алыс аралыктуу чабуулдарын күчөтүштү. Бул кол салуулар жарандык жоготууларды кагылыш башталгандан бери болуп көрбөгөндөй жогорку деңгээлге алып келди.

Газа менен Иранда ок атышпоо боюнча сүйлөшүүлөргө катышкан Виткофф менен Кушнер буга чейинки дипломатиялык аракеттердин алкагында Москвага бир нече жолу барышкан.