Изилдөөчүлөр ооруканаларда колдонулуп жаткан аппараттардын жардамы менен 3төн 20 МГцке чейинки диапазондогу ультра үн жыштыктарын вирустарда сынап көрүштү.
Алынган жыйынтыктар үн толкундары жараткан микроскопиялык титирөөлөр вирустун сырткы кабыгын жарууга жетиштүү экенин көрсөттү. Окумуштуулар бул кубулушту жүгөрүдөн попкорн жасоо процессине окшоштуруп, «вирус менен кыйкырып күрөшүү» деп мүнөздөшүүдө.
Акустикалык резонанс ыкмасы колдонулат
Бул ыкма "акустикалык резонанс" принцибине негизделген. Үн толкунунун жыштыгы вирус мембранасынын табигый термелүү жыштыгына дал келгенде, пайда болгон энергиянын топтолушу вирустун түзүлүшүнө гана багытталат.
Эксперименттер айланадагы клеткалардын температурасы жана рН деңгээли туруктуу бойдон калганын, ушундайча дени сак клеткаларга зыян келтирбестен вирустарды гана жок кылууга мүмкүндүк бергенин көрсөттү.
Изилдөөчү Одемир Мартинес Бруно бул кубулуш толугу менен геометриялык экенин айтып, тоголок түзүлүштөгү вирустар ультраүн энергиясын натыйжалуу сиңирерин белгиледи. Бул физикалык ыкма вирустар мутацияланса да, формасы өзгөрбөсө, бул ыкмадан кутула албай турганын көрсөтүүдө.
Экологиялык жактан таза жана вирустарда каршылык пайда кылбай турган чечим
Адистер салттуу антивирустук дары-дармектерди иштеп чыгуу татаал процесстерди талап кыларын белгилеп, ультра үн методунун эч кандай калдык калтырбаганы жана вирустарда туруктуулукту (резистенттүүлүк) жаратпаганы үчүн «жашыл» чечим сунуштай турганына көңүлдөрдү бурушууда.
Бул ыкма азырынча клиникалык колдонуу баскычынан алыс экени жана жаныбарларда сынала электиги баса белгиленсе да изилдөө тобу буга чейин эле Зика, Денге безгеги жана Чикунгунья сыяктуу башка вирустар боюнча иштерин башташты.
Изилдөөнүн жыйынтыктары «Scientific Reports» журналына жарыяланды.
