Түрия Франциянын уланып жаткан сот процесстерине карата сындарын чекте кагып Франциянын Тышкы иштер министрлигинин акыркы билдирүүсүн ички иштерине кабыл алынгыс кийлигишүү катары мүнөздөдү.
Тышкы иштер министрлиги : “Франция Европа жана Тышкы иштер министрлиги тарабынан бүгүн (7 - июль) болгон жана өлкөбүздө уланып жаткан сот процесстерине кийлигишүү мүнөзүндөгү билдирүүнү так тил менен четке кагабыз”,- деп билдирди.
Анкара «адилет жана калыс» сот процесстерине кепилдик берерин айтып, бардык соттук териштирүүлөрдүн Түркиянын Конституциясынын жана мыйзамдарынын алкагында көз карандысыз сот органдары тарабынан жүргүзүлөрүн баса белгиледи.
Министрлик Францияны кош стандарттарды колдонуу менен айыптап, француз оппозициясынын лидеринин абак жазасына тартылышын жана анын шайлоого катышуу укугунан ажыратылышын, ошондой эле айрым француз мэрлерине каршы жүрүп жаткан иштерди мисал катары көрсөттү.
«Франциядагы оппозициянын башкы лидери соттун чечими менен түрмөгө кесилгенин жана шайлоого катышууга тыюу салынганын эске алсак, сөз болуп жаткан билдирүүдө кош стандарттар бар экени көрүнүп турат»,- деп айтылды.
Түркия Францияны сот бийлигинин эгемендигине сый көрсөтүүгө жана башка өлкөлөрдүн ички иштерине байланыштуу саясий билдирүүлөрдү жасоодон алыс болууга чакырды.
«Францияга биздин ички мыйзамдарыбызды жана сот бийлигинин көз карандысыздыгына сый көрсөтүүнү, башка өлкөлөр жөнүндө саясий билдирүүлөрдү жасоодон баш тартууну жана өзүнүн ички иштерине көңүл бурууну сунуштайбыз»,- деп айтылды билдирүүдө.
