Түркия Конго Демократиялык Республикасы (КДР) менен Руанданын ортосунда жетишилген тынчтык келишимин ыраазычылык менен кабыл алды.

Тышкы иштер министрлиги жума күнкү билдирүүсүндө: "Конго Демократиялык Республикасы (КДР) менен Руанданын ортосундагы "Тынчтык жана бейпилчилик үчүн Вашингтон келишимдерине" кол коюлганына кубанычтабыз", - деп билдирди.

Министрлик: "Биз бул процесске катышкан бардык тараптардын, айрыкча Америка Кошмо Штаттары менен Катардын дипломатиялык аракеттерин жогору баалайбыз",- деп кошумчалады.

Билдирүүдө келишимдердин КДРнын чыгышындагы келишпестиктин туруктуу чечилишине жана Улуу көлдөр аймагынын туруктуулугуна салым кошот деген үмүт билдирилди.

Министрлик: "Түркия Африкада тынчтыкка, коопсуздукка жана туруктуулукка багытталган аракеттерди колдоону улантат", - деди.

Миңдеген адам каза болуп, миллиону жер которду

Бейшемби күнү КДР менен Руанданын лидерлери АКШнын ортомчулугу менен түзүлгөн, КДРнын чыгышындагы жаңжалды токтотууга багытталган тынчтык жана экономикалык келишимге кол коюшту. M23 козголоңчуларынын көп жылдык чабуулдары КДРнын чыгышындагы туруксуздукту жараткан.

Киншаса өкмөтү жана БУУнун маалыматы боюнча, КДРнын чыгышында ондогон жылдар бою болуп келген зордук-зомбулук миңдеген адамдардын өлүмүнө жана миллиондогон адамдардын качкын болушуна алып келген.

Кагылышуу 2021-жылы M23 козголоңчу тобу кайрадан орього чыгып Конго өкмөтүнүн күчтөрүнө каршы чабуул баштоосу менен кайрадан күчөдү.

БУУ, Киншаса жана башка тараптар коңшу Руанданы M23тү колдоо менен айыпташууда. Кигали болсо бул айыптоону четке кагууда.